ДАВРИ ШАШУМ – ДАВРИ ЭЪТИРОЗҲО

Даври эътирозҳо

Даври шашум омехта аз бозиҳои сабқатҳои дастаии Аврупо ва дохилии кишварҳои аврупоӣ бо шумули бозии абардастаҳои тоҷикии «Регар» ТадАЗ ва «Истиқлол» иборат буд. Аввалин нафаре, ки ба ин давр пешгӯи гузошту ҳамон замон аз он норизоӣ баён кард, «идейшик»-и «Футболдон», Мақсудҷон Иброҳим буд. Норизоии Мақсудҷонро чанде аз футболдонҳои дигар низ дастгирӣ кардан, зеро онҳо мехостанд, ки бозиҳои танҳо 1-2 рӯз интихоб шаванд.

Бар болои ин ҳама акаи Рустам низ қариб буд Фолловерро аз 3 хол маҳрум кунад. Ҳол он ки Фолловер худаш он қадар холи бисёр ҳам надорад.

Навҳо ва кӯҳнаҳо

Дар ин давр ҳамчунин Мустангер ва Али бо ре-брендинги исми худ ба Алиҷон бе ҳеҷ эътирозе ба озмун баргаштанд, вале Афандӣ, ВС, Ҷумъахони Кӯлобӣ дар ин давр хоб рафтанд. Ба ҷойи онҳо Вахшклуб, модератори фаъолтарин вебблоги футболии имрӯз дар Тоҷикистон, ва Тинҳо, бародари бишкекии Умедҷон Юсуфов, яке аз содиқтарин хонандаҳои «Футболи Тоҷикистон» ба озмун ворид шуданд.

Ҳосили кам

Аввалин иштироки Тинҳо дар «Футболдон» ноком буд, чун ӯ аз ҳама камтар хол гирифт. Вале шояд як сабабаш ҳам дар он буд, ки асосан аз сабқатҳои дохилии аврупоӣ бозиҳоро интихоб карда будем ва аз 5 бозии сабқатҳои дохилии аврупоӣ бештар аз ҳама Бобош танҳо 5 хол гирифту халос. Панҷ нафари дигар бошанд аз ин панҷ бозӣ ягон хол нагирифтанд.

Чун навбати бозиҳои ҷомҳои аврупоӣ даррасид, шумори холҳои футболдонҳо зиёдтар шуд, ғолиби давр барои аввалин бор Эрикссон117 гардид, вале ба ӯ танҳо ду хол камӣ кард, то рекорди Бештарин холи як даврро такрор бикунад.

Ин рекорд (16 хол) моли Ману (даври дуввум) ва Афандӣ (даври 6-ум) буд. Ману пас аз даври шашум дар феҳрасти асосӣ низ дар садри аввал аст. Аз паси ӯ панҷ футболдони дигар бо бештар аз 5- холӣ шапошап доранд. Гурӯҳи «середнячки» бошад якуякбора аз 13 бозигар иборат аст. Аҷобат ин ки яке аз пешсафҳои мавсими гузашта Рустам низ дар ҳамин гурӯҳ қарор дорад.

ДАВРИ ҲАФТУМ  – ДИЛи рекордОВАР

Бандагони Зевс

Дар даври 7-ум талабҳои мӯътаризонро ба инобат гирифтем ва бозиҳои танҳо ду рӯзро воридаш кардем. Ҳамаи бозиҳо низ аз сабқатҳои дохилӣ гирифта шуда буданд – аз Тоҷикистон сар карда, то ба Шотландияву Украинаву Юнон. Воқеан, ба ҳама тавсия медиҳам – шарҳҳои Мундуқбой ба ин бозиҳоро бихонед, ман хеле хандидам. Вале Юнон, ин кишвар бо бӯҳрони молиявияш боз ин даврро ба ҳам зад ва бозии ду пешсафи сабқати қаҳрамонияш ба сабаби митингбозиҳои бандагони Зевс чанд рӯз ақиб партофта шуд.

Хайрият, ки ақиб партофта шуд, зеро, азбаски шумори бозиҳои як рӯз хеле зиёд буд, дар ҳисоби холҳо мушкил мекашидем. Ташаккур ба Эрикссон117, ки дар ҳисоби холҳо ёрӣ дод.

Хоби акаи Рустам

Эрикссон117 аз ягона бозии тоҷикии ин давр миёни «Истиқлол» ва «Вахш» ягон хол нагирифт ба мисли ҳамаи футболдонҳои дигар, ба ҷузъ акаи Рустам. Танҳо акаи Рустам хоб дида буд, ки ин ду таҳамтан дасти ҳамдигарро ба нишони сулҳ мефишоранд. Бозии дигаре, ки ҳамаро, ҳатто акаи Рустамро фиреб дод, «Локомотив» бо «Сатурн» буд, ки ҳеҷ кас ягон хол аз он нагирифт.

Ҳиммати «Лион» ва рекорди Диловар

Вале бачаҳо аз бозизҳои дигарон холи зиёд гирифтанд ва бисёре аз бозиҳоро ҳатто ҳисобашро дуруст дарёфтанд. Масалан, ҳисоби «Лион» 2:1 «Осер»-ро якуякбора 7 нафар дарёфтанд. Диловар ҳам аз ҷумлаи ин ҳафт нафар буд, ва дар бозии мавқуфмондаи юнониҳо танҳо ӯву Мундуқбой боварӣ доштанд, ки ПАОК ба дарвозаи Олимпиакос як гол мезанаду халос.

Мундуқбой, ки дар ҳама бозиҳо ҳамин ҳисоб медиҳад, вале Диловарро бовраӣ ба ПАОК ба садри яке аз бахшҳои «Футболдон» – Бештарин холи як давр – баровард. Диловар дар маҷмӯъ 17 хол касб кард ва рекорди Ману (16 хол, даври 2-юм) ва Афандӣ (16 хол, даври 6-ум)-ро шикаст.

Ҳушдор ба ВС ва Ҷумъахони Кӯлобӣ

Ин пирӯзӣ Диловарро ба он панҷгонае, ки дар ҷадвали умумӣ аз паси Ману медавад ворид кард ва акнун панҷгона ба шашгона мубаддал шудааст. «Середнячки» ҳам ба ду гурӯҳ ҷудо шудаанд – нӯҳгона ва панҷгона.

Ва дар охир «аутсайдерҳо» ҷой ёфтаанд, ки миёнашон Парвиз Н – бозигари нав ворид шудааст ва бо нахустин вурудаш 12 хол гирифтааст, ки маънои онро дорад, ки ба зудӣ бо ин хел холгирӣ ба болоҳо хоҳад рафт. Илҳом, ҳам ки аз Парвиз як баробар камтар хол гирифтааст, дар ҳамин давр ба мо пайваст, Афандӣ пас аз як гурез ба мо баргашт, вале Бобош ва Тинҳо иштирок дар даври 7-умро фаромӯш карданд. Иштирок дар ин даврро ВС ва Ҷумъахони Кӯлобӣ (умедворам, сел  ба ӯ зарар нарасонида бошад) низ фаромӯш карданд ва ин дуввумин бор пайидарҳам аст, ки ин ду нафар қоидаро мешикананд. Агар дар даври 8-ум низ хобашон бурда монад, аз озмун хориҷ мешаванд ва холҳояшонро аз даст хоҳанд дод.

ҲАМЧУНИН БИХОНЕД:

СЕ ИСТГОҲИ АВВАЛИ “ФУТБОЛДОН”

АФАНДӢ РЕКОРДРО ТАКРОР КАРД

Advertisements