Бахтиёр Файзуллоев, махсус барои «Футболи Тоҷикистон»

Бозии «Хуҷанд» – «Регар» ТадАЗ-ро дар қисми дуюмаш дарёфтам. Ҳисоб 0-3 буд. Мухлисони зиёде ҳам ҷамъ  омада буданд. Ба майдон дар ин шароити мо сифати аъло додан мумкин аст, ба шарте ки майдончаи дарвозабонро назар нагирем. Ҷойҳои нишаст ҳам бад не. Дар раҳу рӯи варзишгоҳ як норасоии калон дида мешавад, қутти партоб нест. Шояд бароямон хандаовар бошад, лекин, бовар кунед, ин норасоии хеле калон аст. Ин ҳам як намуди тарбияи ҷомеа аст, агар ҳамон қуттиҳо бошанд, шояд мо раҳу рӯро ин қадар ифлос намекардем. Хайр, бало ба паси ҳамон ящику ифлосиҳо. 

Афсӯс, бозии фарангиёни металлургҳоро дида натавонистам, зеро дар қисми дуюми бозӣ «Регар» ТадАЗ қариб ,ки бе форварди асил бозӣ мекард. Ба ҳар ҳол, муҳоҷими комил дида намешуд, муҳоҷим буду, он бештар ба ҳайси нимҳимоятгари ҳамлакунанда бозӣ мекард. 

Хуб, ин тактикаи мураббӣ аст, зеро 3-0 дар қисми аввали бозӣ, ба болои ин дар сафар, боз бо яке аз дастаҳои хуби шимоли мамлакат, ки имрӯз «таъвизи наслҳо»-ро аз сар гузаронида истодааст, аллакай дастоварди хуб ҳам гӯем, хато намекунем.

Дар қисми дуюм, бозии «Хуҷанд»-ро боз хамон бей-беги гуфтан мумкин аст. Дар давоми 49 дақиқа танҳо як партоби диагонали олиҷанобро дидам. «Хуҷанд» дар қафо лидер надорад. Шахсе нест, ки дар байн нақши диспетчерро иҷро кунад. Дар пеш бозигари рақами 40 (Шӯҳрат Шамсиев) лидери даста аст. Голи ягонае, ки ин ветеран ба рақиб зад, хеле «хунсардона» буд. Шояд тариқи телевизор хонандагони ин сомона голи дуюми Истиқлолро ба дарвозаи Хайр дида буданд, он ҷо ку сад дар сад айби дарвозабон, ки тӯбро дуруст гардонида натавонист, баъд байни ҳимоятгарон паника ба вуҷуд омада буд, он бозигар саросема нашуда, тӯбро хуб коркард карду, базебакак вориди дарвоза сохта буд. Дар ин бозӣ низ Шамсиев тӯбро хеле моҳирона кор карда, ду-се ҳимоятгар ва дарвозабони «Регар» ТадАЗ-ро писанд накард. 

Як гол зада шуд. «Хуҷанд» каме зиндатар шуд. Ана, гуфтем интрига. Лек ҳайҳот. Хатти ҳимояи «Хуҷанд» мушкилдортарин хатти бозияш мебошад. Дар ҳуҷуми аввали ҷавобии баъдӣ бозигари меҳмон аз тарафи рост ба ҳамла баромада, як партоби олиҷаноби поёнй (прострел) кард, ки ба он на ҳимоятгарон (4 нафар) расиданду, на дарвозабон; бозигари аз канори чап баромада, дар ҳолати рандеву бо дарвозабон баромад, ва тӯбро ба тӯри дарвозаи муйсафеди хуҷандиҳо ворид кард. Айбро ба гардани ҳимоятгари канори рост бор кардан мумкин аст. Аммо ҳар чӣ буд, гол зада шуд. 1-4 ин аллакай «разгром».

Баъд, дар дақиқаи 63-юм як ҳимоятгари «Регар» ТадАЗ тӯбро қариб аз хатти дарвозааш баргардонд. Боз чанд даъфаи дигар бозии зебои Шамсиевро дидем. 

Футболи тоҷик бо як чизаш номдор аст: «дағалӣ!». Агар мухлисони собиқадор дар хотир дошта бошанд, дағалтарини мо Рашид Раҳимов буд. Ноинсоф, на бачаҳои худиро мешинохту, на бегонаро. Худиҳоро чунон медавонд-ки! Қиссаи, хато накунам, Игор Лагутенкоро дар ёд доред? Бечора аз Помир гурехта рафта буд (ба фикрам ба қирғизҳо), аз пушти хамин акои Рашид-дия. Баъд сулх карда оварда будандаш. 

Агар он дагалихои точикон дар он вакт асос дошта, хатто то як дарачае зебо хам буданд, пас ин дагалие, ки имруз дар бозихои точикон дида мешаванд, ман тамоман бемантик меномам. Масалан, шарт нест, ки дар бози пои худу пои харифатро шикани. Маданияти бози карданро надорем-мо. Бозигар медонад, ки дигар худашро кушад хам сохиби туб шуда наметавонад, ба ин нигох накарда ба пои хариф лагад мезанад…

Дар бози бо ССКА Помир агар дар Хучанд як дисциплинаи оличаноб дида мешуд, пас дар бози бо Регар дар бораи тартиб фаромуш карданд. Хамин буд, ки дар натичаи рафтори гайриварзиши ду як нафар: яке аз Хучанд (№88) ва дигаре аз Регар корти сурх гирифтанд боз як нафари дигари Регар дар хамин «бетартибии гайриварзиши» варакаи зардро дар пеши худ дид. Ана рахмат, ана футбол. Хисоби 4-1 дорию боз бехудаю бедарак дар пешат светофор сурх шавад, ман инро ба номарди нисбати хамкомандахо ва мухлисон мешуморам. Э, дар Киев бозиро тамошо мекунию, як рохат карда мебарои, аммо дар мо ЗИНХОР!

Нисбати тактикаи минбаъдаи Уроз-ака норозиям. Баъди якнафари кам шудан Регар боз ба дарвозаи худ акибнишини карда, як-як ба суи хариф сих мезад. Хучандро мебоист дар фикри хучум бошад. Аммо хамон чахор нафар химоятгар дар чои худ буданд. Ивазшавихо низ дигаргунии куллиеро ба миён наоварданд. Канори рости хучуми Хучанд то карибихои охири бози холи монда буд. Ба фикрам Хучандро мебоист бозиро бо се нафар химоятгар идома дихад ва як нафар ба пеш – ба канори рост бароварда мешуд. Хучумхои чавобии Регарро се нафар химоятгаре ки нисбатан зичтар бози кунанд, бемухобот нейтрал карда метавонистанд. Бар замми ин дигар фикри дарвозаи худ бояд дар мадди дуюм мемонд. Зеро разгром аллакай шуда буд. Хайр, мофикри худро мегуему, Уроз Туракулов донотар аст.

Чаро стили бозиро бей-беги гуфтам:

  1.  Дар бозии Хучанд хамдигарфахми нест (хайр инаш стилро аник намекунад)
  2. Партоби кутох – девор (игра стенкой, короткий пас) дида намешавад.
  3. Як расиш (однокасание) кариб ки тамоман нест.
  4. Баъди ин суханхои болоиро бо як ибораи дигар «бозии бекомбинатсия» поён мерасонем.

Дар наздикии майдончаи чаримавии хариф панч нафар бозигарони сафеду кабуд дар ихотаи се –чор нафар бозигарони Регар хастанд, аммо ба якдигар наметавонанд паси кутох диханд, ё деворча созанд, ба чои ин саросемавор тубро бо шаст ба дигаре медиханд, ки… Хуллас, бозигарони ин даста хануз пурра омухти якдигар нашудаанд…

Бозии Регар дар кисми дуюм аз чихати тактика грамотный! Аммо агар ба ШШ боз ягон нафари дигар хамрох мешуд, пас якин дар пусти металлургхо кох чой мекарданд. 

Advertisements