Охирин даври аввалин марҳилаи мавсими имсолаи Лигаи Олӣ бо ду бозӣ дар вилояти Хатлон оғоз шуд. Ин оғози анҷоми марҳилаи аввали Лигаи Олӣ-2010 буд.

Дар бозии барои мухлисони зиёде муҳим дар шаҳри Қурғонтеппа «Вахш», қаҳрамони феълии Тоҷикистон, мизбони «Хуҷанд» буд. Ин бозии ду сармураббие буд, ки ҳар се қаҳрамонии «Вахш» ба исмашон алоқаманд аст. Ӯроз Турақулов, ки дар солҳои 1997 ва 2005 «Вахш»-ро ба унвони қаҳрамонӣ расонида буд, имрӯз бар зидди он дастааш ва бар зидди шогирдаш Аслиддин Ҳабибуллоев маҳорати мураббигияшро нишон медод.

Бозӣ ғайримунтаАз тарафи дигар, барои ҳар ду даста дар ин бозӣ пирӯзӣ лозим буд. «Хуҷанд» дар марҳилаи аввал ҳамагӣ як пирӯзӣ ба даст оварда, дар ҷойи шашум қарор дошт, ки барои чнуин дастаи номдор мавқеъи на он қадар дилхоҳ аст, «Вахш» бошад дар бозии қаблӣ бо «Парвоз» ду холро аз даста дода буд ва дигар хол аз даст додан намехост.

Бозӣ бо голи меҳмонон оғоз шуд. Ҳисобро, тавре аз шореҳии он-лайни торнигори Вахшклаб бармеояд, дар дақиқаи 16-ум капитани «Хуҷанд» Масъуд Раҳимов боз кард.Вале ҳамагӣ даҳ дақиқаи пас зарбаи аз дурӣ задаи Рустам Хоҷаев ҳисобро баробар кард. Қабл аз ин бошад зарбаи Нӯъмон Ҳакимовро аз дарвозаи холӣ ҳимоятгарони «Хуҷанд» баргардонида буданд.

«Вахш» шиддати ҳамлаҳояшро кам накарда, ба пеш мерафт ва дар дақиқаи 33-юм Баҳодур Шарифов, ки соли гузашта капитани «Хуҷанд» буд ва имсол нав ба тозагӣ ба ҳайати асосии «Вахш» роҳ ёфтааст, барои дастаи наваш пирӯзӣ овард.

Имрӯз, дар ноҳияи Восеъ, ҳамчунин «Равшан» бо «Энергетик» бозӣ доштанд. Дар ин бозӣ “Энергетик” бо ҳисоби 1:0 бар “Равшан” ғолиб омад.

Даври 9-ум бо бозии «Хайр» – «Парвоз» фардо, 30-уми май, ба анҷом мерасад.

Мавқеи дастаҳо дар ҷадвали мусобиқа то 30-уми май

Ҷой  Дастаҳо Б П М Ш Т/T Х
1. «Регар»ТадАЗ 8 7 1 0 29-3 22
2.  «Истиқлол» (Душанбе) 7 5 2 0 15-4 17
3. «Вахш» (Қӯрғонтеппа) 8 5 2 1 10-5 17
4. «Хайр» (Ваҳдат) 7 2 2 3 10-11 8
5. «Парвоз» (Б.Ғафуров) 7 2 2 3 9-12 8
6. «Хуҷанд» (Хуҷанд) 8 1 3 4 9-16 6
7. «Энергетик» (Душанбе) 8 2 2 4 9-12 8
8. ССКА«Помир» (Душанбе) 7 0 3 4 2-14 3
9. «Равшан» (Кӯлоб) 6 0 1 5 1-16 1

Голзанҳо: Даврон ТУХТАСУНОВ («Регар» ТадАЗ) – 10 гол, Жаилтон ОЛИВЕЙРА («Регар» ТадАЗ) – 8 гол.

Бозиҳои мавқуфмонда: 

  • Даври 7-ум
  • «Равшан» – ССКА «Помир»
  • Даври 8-ум
  • «Истиқлол» – «Равшан
Advertisements