Ибодулло Қаюмов аз вазифаи сармураббигии «Энергетик» истеъфо дод ва ҷойи ӯро дар ин курсӣ Алиёр Ашӯрмамадов гирифт.

Ҳотам Холмуродов, президенти даста, ба хабаргузории «Варзиш-Спорт» гуфтааст, Ибодулло Қаюмов вазифаро бо хоҳиши худаш тарк кардааст. Президенти даста гуфтааст, ӯ аз кори сармураббӣ розӣ буд.

Ибодулло Қаюмов дар моҳи апрели соли гузашта сармураббии «Энергетик» таъин гардид ва дастаашро дарҷ адвалим авсими соли гузашта дар ҷойи панҷум қарор дод. Дар 25 бозии расмие, ки даста зери раҳбарии ӯ доир кард, «Варзиш-Спорт» ҳисоб кардааст, «Энергетик» 11 ғалаба ва 5 мусовӣ ба даст оварда, 9 бор шикаст хӯрдааст.

Сармураббии нави «Энергетик» Алиёр Ашӯрмамадов таъин шудааст, ки ҳамзамон сармураббии мунтахаби ҷавононаи Тоҷикистон мебошад. Охирин ҷойи кори дастаии ҷаноби Ашӯрмамадов ССКА «Помир» буд.

Истеъфои ҷаноби Қаюмов нахустин истеъфои сармураббӣ дар мавсими имсола мебошад.

Дар ҳамин ҳол, сафи дастаи барқгаронро як бозигари ҳайати асосӣ низ тарк гуфт. Фарангии олмонии даста, Александр Франк, фарзанди Александр Азимов, боизагри саршиноси «Помир»-и Шӯравӣ, имрӯзҳо бо «Истиқлол» тамрин дорад.

Ҳокии ин хабар низ «Варзиш-Спорт» мебошад ва ин хабаргузорӣ бо такя ба Салоҳиддин Ғафуров, сармураббии «Истиқлол», навиштааст, ҳама масоили марбут ба харидории бозигари 27-сола ҳал шудааст.

Аз рӯи низомномаи Лигаи Олӣ ба феҳрасти бозигарон илова намудани онҳое, ки аллакай аз номи дигар даста бозӣ кардаанд, танҳо пас аз анҷоми марҳилаи дуввум иҷоза ҳаст. Марҳилаи дуввум ҳамин ҳафта оғоз хоҳад шуд ва интизор меравад, дар аввали моҳи август ба анҷом бирасад. Вале, «ВС» ҳадс задааст, ки эҳтимол дорад, Федеросюни футболи Тоҷикистон барои «Истиқлол» аз қоида сарфи назар бикунад ва Александр Франк дар наздиктарин бозиҳо пероҳани футболии «Истиқлол»-ро бипӯшад.

Чунин қазия аллакай як бор рух дода буд ва Одил Эргашев дар давоми марҳилаи аввал пероҳани «Регар» ТадАЗ-ро ба «Истиқлол»иваз намуда буд.

Advertisements