Нарзуллоҳи Латиф, Радиои Озодӣ

Сафари дастаи мунтахаби олимпии Тоҷикистон ба Уммон

Дастаи мунтахаби олимпии Тоҷикистон рӯзи 18-уми феврал барои ширкат дар нахустин бозии сабқати интихобии олимпӣ бо тими Уммон ба шаҳри Масқат сафар кард.

Бозии аввали футболбозони ҷавони ҳарду кишвар 23-юми феврал дар пойтахти Уммон баргузор мешавад. Бозии ҷавобӣ 9-уми март дар варзишгоҳи “Металлург”-и шаҳри Турсунзода доир хоҳад шуд.

Барои роҳхатҳо ба Олимпиадаи Лондон 35 дастаи мунтахаби олимпии кишварҳои қораи Осиё мубориза хоҳад бурд. Дар даври муқаддамотӣ 22 даста, ки аз рӯи натоиҷи сабқати интихобии пешин рейтинги камтар дорад, бар асоси қуръакашӣ бо ҳам рақобат мекунанд.

Баъдан 11 дастаи ғолиби даври муқаддамотӣ рӯйхати 13 дастаи мунтахабро пурра мекунад ва дар даври дуввум 24 даста вориди рақобати ҷуфтӣ хоҳад шуд. Сипас 12 дастаи беҳтарин бар асоси қуръакашӣ ба се гурӯҳ тақсим хоҳад шуд.

Ғолибони гурӯҳҳои интихобӣ соҳиби роҳхатҳо ба Олимпиада Лондон мешаванд. Дастаҳое, ки ҷойҳои дуввумро мегиранд, дар сабқати изофии даврӣ дастаи ширкаткунандаи плей-оффи байниминтақавиро муайян мекунанд. Конфедеросиюни футболи Осиё дар сабқати олимпии футбол 3,5 ҷой мегирад.

Худдории “Истиқлол” аз Ҷоми президенти туркман

Cабқати минтақаи шаҳри Душанбе барои Ҷоми ёдбуди Рустам Долтабоев, футболбози маъруфи тоҷик, бо ширкати 10 даста дар варзишгоҳи Донишкадаи тарбияи ҷисмонии Тоҷикистон ба номи Саидмӯъмин Раҳимов ҷараён дорад.

Дар даври чаҳоруми мусобиқа “Гвардия”-и Душанбе бар ССКА “Помир”-и Душанбе ва “Регар-ТадАЗ-1»-и Турсунзода бар “Шодмон”-и Ҳисор бо ҳисоби якхелаи 1:0 пирӯз шуданд. “Хайр”-и Ваҳдат дастаи ҷавонони “Истиқлол”-и Душанберо бо ҳисоби 2:0 шикаст дод. Дастаи дуввуми “Регар-ТадАЗ”тими РШВСМ-и Душанберо бо ҳисоби 3:2 мағлуб кард.

Ба ин тартиб пас аз натиҷагирии чаҳор даври мусобиқа дар гурӯҳи “А” тими “Регар-ТадАЗ-1”-и Турсунзода бо 9 имтиёз аз 3 бозӣ пешқадам аст. Дастаи аслии “Регар-ТадАЗ” ба даври баъдӣ ва, инчунин, ба сабқати ниҳоии Ҷоми Рустам Долтабоев роҳ ёфт.

Ду дастаи шаҳри Душанбе – “Локомотив” ва “Гвардия” барои роҳхати дуввум талош доранд. “Гвардия” бо 7 имтиёз ҷои дуввум ва “Локомотив” бо 4 имтиёз ҷои севумро касб кардаанд.

Маҳмадҷон Ҳабибуллоев, сармураббии дастаи “Регар-ТадАЗ”, ба радиои Озодӣ гуфт: “Пас аз он ки “Истиқлол”-и Душанбе ба иллати ба дастаи мунтахаби олимпии кишвар ҷалб шудани 7 бозигари худ аз ширкат дар Ҷоми раисиҷумҳури Туркманистон даст кашид, Федератсияи футболи Тоҷикистон ба ин мусобиқа тими “Регар-ТадАЗ”-ро сафарбар намуд. Мо 18-уми феврал барои ширкат дар ин мусобиқаи байналмилалӣ ба шаҳри Ишқобод сафар мекунем. Ин мусобиқа аз 20-уми феврал то 1-уми март баргузор мешавад. Барои ширкат дар ин мусобиқа бошгоҳҳои футболи Арманистон, Беларус, Қазоқистон, Тоҷикистон, Туркманистон ва Эрон изҳори хоҳиш кардаанд. Маблағи ҷавоизи ин мусобиқа 35 ҳазор доллари амрикоиро ташкил медиҳад. Ба дастаи ғолиб Ҷоми раисиҷумҳури Туркманистон ва 20 ҳазор доллар супурда мешавад. Дастае, ки мақоми дуввумро касб мекунад, бо 10 ҳазор доллар ва дастае, ки дар ҷои севум қарор мегирад, бо 5 ҳазор доллар мукофотонида мешаванд. Дастаи “Регар-ТадАЗ” аввалин бор дар Ҷоми раисиҷумҳури Туркманистон иштирок хоҳад кард. Кӯшиш мекунем, ки дар ин мусобиқа соҳиби ҷоиза шавем. Пас аз бозгашт аз шаҳри Ишқобод тими “Регар-ТадАЗ” дар сабқати ниҳоии Ҷоми Рустам Долтабоев, ки 3-юми март дар шаҳри Душанбе шурӯъ мешавад, ширкат хоҳад кард”.

Дар сабқати гурӯҳи “Б” тими “Энергетик”-и Душанбе ва “Хайр”-и Ваҳдат” бо натоиҷи мушобеҳ – 9-имтиёзӣ (таносуби тӯбҳо – 15-0) пешқадаманд. Дар бозии охирин ҳарду даста, ки ба даври баъдӣ роҳ ёфтаанд, бо ҳам қувва меозмоянд. Инчунин “Энергетик” ва “Хайр” ба сабқати ниҳоӣ роҳхат гирифтанд.

Вале футболбозони ҷавони “Истиқлол-2” ва РШВСМ (Мактаби маҳорати олии ҷумҳуриявӣ оид ба футбол) сарфи назар аз натиҷаи бозии охирини гурӯҳӣ аз ҳаққи ширкат дар даври баъдӣ маҳрум шуданд.

Натоиҷи бозиҳои чаҳор даври мусобиқа:

Даври якум – ССКА “Помир” – “Локомотив” – 1:2, “Гвардия” – “Регар-ТадАЗ-1” – 0:5, РШВСМ – «Энергетик» – 0:7, “Регар-ТадАЗ-2” – “Истиқлол-2” – 0:0.

Даври дуввум – «Локомотив» – «Гвардия» – 2:2, «Шодмон” – ССКА «Помир» – 4:3, «Хайр» – РШВСМ – 8:0, «Энергетик» – «Регар-ТадАЗ-2» – 3:0.

Даври севум – “Гвардия» – «Шодмон» – 2:0, “Регар-ТадАЗ-1” – “Локомотив” – 5:0, “Истиқлол-2” – “Энергетик» – 0:5, «Регар-ТадАЗ-2» – «Хайр» – 0:5.
Даври чаҳорум – ССКА “Помир” – “Гвардия”- 0:1, “Шодмон- “Регар-ТадАЗ-1” – 0:1, “Хайр” – “Истиқлол-2” – 2:0, РШВСМ – “Регар-ТадАЗ-2”- 2:3.

Гурӯҳи “А”
Б   Ғ  М  Б   Т     И
“Регар-ТадАЗ-1”  3   3   0   0  11-0  9
“Гвардия”             4   2   1   1   5-7   7
“Локомотив”        3  1   1   1    4-9   4
“Шодмон”            3  1   0   2    4-6   3
ССКА “Помир”   3  0   0   3    4-7   0

Гурӯҳи “Б”
Б   Ғ   М  Б   Т     И
“Энергетик”          3   3   0   0  15-0   9
“Хайр”                   3   3   0   0  15-0   9
“Регар-ТадАЗ-2”   4   1   1   2   3-10  4
“Истиқлол-2”        3   0   1   2   10-7  1
РШВСМ                3   0   0   3   2-18  0

Даври 5-ум
18-уми феврал (ҷумъа)

“Локомотив” – “Шодмон”
“Регар-ТадАЗ-1” – ССКА “Помир”

19-
уми феврал (шанбе)
“Энергетик” – “Хайр”
“Истиқлол-2” – РШВСМ

Шавкат Аҳмадов, масъули Федератсияи футболи Тоҷикистон, ба радиои Озодӣ гуфт, сабқати интихобӣ дар Душанбе то рӯзи 23-юми феврал идома меёбад.

Бар асоси низомномаи мусобиқа 8 дастаи беҳтарин (чаҳор даста аз минтақаи Душанбе ва дудастаӣ аз вилоятҳои Суғду Хатлон) дар марҳилаи ниҳоӣ, ки 3-юми март дар пойтахти кишвар шурӯъ мешавад, барои ба даст овардани Ҷоми Рустам Долтабоев рақобат хоҳанд кард.

Натоиҷи бозиҳои Ҷоми Рустам Долтабоев

Cабқати минтақаи шаҳри Душанбе барои Ҷоми ёдбуди Рустам Долтабоев, футболбози маъруфи тоҷик, бо ширкати 10 даста дар варзишгоҳи Донишкадаи тарбияи ҷисмонии Тоҷикистон ҷараён дорад.

Дар даври севуми мусобиқа «Энергетик”-и Душанбе бар дастаи ҷавонони “Истиқлол”-и Душанбе ва “Хайр”-и Ваҳдат бар тими ҷавонони “Регар-ТадАЗ»-и Турсунзода бо ҳисоби якхелаи 5:0 пирӯз шуданд. Дастаи аслии “Регар-ТадАЗ” ба дарвозаи “Локомотив”-и Душанбе 5 голи беҷавоб зад. “Гвардия”-и Душанбе тими “Шодмон”-и Ҳисорро бо ҳисоби 2:0 шикаст дод.

Ба ин тартиб пас аз натиҷагирии се даври мусобиқа дар гурӯҳи “А” тими “Регар-ТадАЗ-1”-и Турсунзода бо 6 имтиёз аз 2 бозӣ пешқадам аст. Ду дастаи шаҳри Душанбе – “Локомотив” ва “Гвардия”, ки ҳар кадом 3 бозӣ анҷом додааст, бо чаҳоримтиёзӣ мутаносибан дар ҷойҳои дуввуму севум қарор доранд.

Дар сабқати гурӯҳи “Б” тими “Энергетик”-и Душанбе, ки дар се бозӣ ғалаба кардааст, бо 9 имтиёз дар ҷои аввал мебошад. “Энергетик” сарфи назар аз натиҷаи бозии охирини гурӯҳӣ ба даври баъдӣ роҳ ёфт.

Дастаи “Хайр”-и Ваҳдат” бо 6 имтиёз аз 2 бозӣ дар ҷои дуввум аст.

Бозиҳои даври 4-уми мусобиқа рӯзҳои 16-ум ва 17-уми феврал баргузор мешаванд.

Натоиҷи бозиҳои давраҳои дуввуму севуми мусобиқа:

«Локомотив» (Душанбе) – «Гвардия» (Душанбе) – 2:2, «Шодмон” (Ҳисор)– ССКА «Помир» (Душанбе) – 4:3, «Хайр» (Ваҳдат) – РШВСМ (Душанбе) – 8:0, «Энергетик» (Душанбе) – «Регар-ТадАЗ-2» (Турсунзода)- 3:0, “Гвардия» – «Шодмон» – 2:0, “Регар-ТадАЗ-1” – “Локомотив” – 5:0, “Истиқлол-2” – “Энергетик» – 0:5, «Регар-ТадАЗ-2» – «Хайр» – 0:5.

Гурӯҳи “А”

“Регар-ТадАЗ-1”      2       2       0       0      10-0       6

“Гвардия”                  3       1       1       1        4-7       4

“Локомотив”              3       1       1       1        4-9       4

“Шодмон”                   2       1       0       1        4-5       3

ССКА “Помир”         2        0      0       2        4-6        0

Гурӯҳи “Б”

Энергетик”              3      3       0       0        15-0      9

“Хайр”                         2       2       0       0        13-0     6

“Истиқлол-2”             2       0       1       1        0-5       1

“Регар-ТадАЗ-2”        3       0       1       2        0-8       1

РШВСМ                       2        0      0       2        0-15      0

 

Даври 4-ум

16-уми феврал (чоршанбе)

ССКА – “Гвардия”

“Шодмон- “Регар-ТадАЗ-1”

17-уми феврал (панҷшанбе)

“Хайр” – “Истиқлол-2”

РШВСМ – “Регар-ТадАЗ-2”

Шавкат Аҳмадов, масъули Федератсияи футболи Тоҷикистон, ба радиои Озодӣ гуфт, сабқати интихобӣ дар Душанбе то рӯзи 23-юми феврал идома хоҳад кард. Вай афзуд, Ҷоми Рустам Долтабоев, инчунин, дар минтақаи Хатлон шурӯъ шуд. Баъдан сабқати минтақаи Суғд оғоз меёбад.

Бар асоси низомномаи мусобиқа, 8 дастаи беҳтарин (чаҳор даста аз минтақаи Душанбе ва дудастаӣ аз вилоятҳои Суғду Хатлон) дар марҳилаи ниҳоӣ, ки 3-юми март дар пойтахти кишвар шурӯъ хоҳад шуд, барои ба даст овардани Ҷоми Рустам Долтабоев рақобат мекунанд.

Ҷоми даъвати AFC:Рақибони Тоҷикистон муайян шуданд

Ду бозии ҷавобии Ҷоми даъвати AFC (Конфедеросиюни футболи Осиё) баргузор шуд.

Дастаи мунтахаби Камбоҷа дар бозии дуввум дар меҳмонӣ бар тими Макао дар замони изофӣ бо ҳисоби 3:2 ғалаба кард. Дар бозии аввал Камбоҷа бо ҳисоби 3:1 пирӯз шуда шуд.

Камбоҷа, ки ба сабқати гурӯҳӣ роҳ ёфт, дар гурӯҳи “С” бо тимҳои миллии Тоҷикистон, Қирғизистон ва Ҷазоири Молдив рақобат хоҳад кард.

Бозии дигари ҷавобӣ байни тимҳои Лаос ва Тайван бо ҳисоби 1:1 ба анҷом расид. Дар бозии аввал Тайван дар майдони худ бо ҳисоби 5:2 пирӯз шуда буд. Дастаи Тайван дар сабқати гурӯҳи “В” бо тимҳои Туркманистон, Ҳиндустон ва Покистон қувваозмоӣ хоҳад кард.

12 дастае, ки бар асоси натоиҷи мусобиқоти соли 2010-ум рейтинги баландтар дорад ва чаҳор тими ғолиби даври аввал , ҷамъ 16 даста, дар сабқати гурӯҳӣ ширкат хоҳанд кард.

Дастаҳо ба чаҳор гурӯҳ тақсим мешаванд. Аз ҳар гурӯҳ дудастаӣ ба сабқати ниҳоӣ роҳхат мегиранд. Сабқати гурӯҳӣ аз 20-ум то 31-уми марти соли 2011-ум дар майдони яке аз ширкаткунандагон баргузор мешавад. Сабқати ниҳоӣ соли 2012-ум доир хоҳад шуд.

Ҷадвали Ҷоми даъвати AFC:

Даври 1

Плей-офф 1: Бутан – Афғонистон (23 ва 25 март)
Плей-офф 2: Филиппин – Муғулистон — 2:0, бозии ҷавобӣ 15 март
Плей-офф 3: Тайван – Лаос — 5:2, 1:1
Плей-офф 4: Камбоҷа – Макао — 3:1, 3:2 дар замони изофӣ

Сабқати гурӯҳӣ (20-31 марти соли 2011)

Гурӯҳи «А»: Мянмар, Фаластин, Бангладеш, ғолиби плей-офф 2
Гурӯҳи «В»: Туркманистон, Ҳиндустон, Тайван, Покистон
Гурӯҳи «С»: Тоҷикистон, Ҷазоири Молдив, Камбоҷа, Қирғизистон
Гурӯҳи «D»: Кореяи Шимолӣ, ғолиби плей-офф 1, Непал, Шри-Ланка

Advertisements