Ширкати Facebook дар иқдоме ғайриинсонӣ сафҳаи Марсело, бозигари бразилии Реол Модридро ба хотири ҳимоят аз интифозаи Фаластин баст.

Ба гузориши хабаргузории Тақриб, ин ширкат дар як иқдоми ғайриинсонӣ сафҳаи шахсӣ ва расмии Марсело, бозигари бразилии Реол Модридро ба хотири ҳимояташ аз интифозаи Фаластин баст. Ин иқдом нахустин бор нест, ки дар Facebook такрор шудааст ва ин ширкат сафаҳотеро, ки дар ҳимоят аз интифоза ва мардуми Фаластин дар ин шабакаи иҷтимоӣ эҷод мешавад, аз дастрасӣ хориҷ мекунад.

Марсело чанд рӯз пеш аксе дар сафҳаи Facebook-и худ аз интифоза ва қиёми мардуми Фаластин гузошта ва дар тавзеҳи он навишта буд: “Қалбам бо мардуми Фаластин аст!”

Ин ҷумла дар чанд рӯзи ахир бо сару садои зиёде дар фазои веб мувоҷеҳ шуда буд; ба ҳадде ки теъдоди бисёр зиёде аз боздидкунандагони ин сафҳа мувофиқати худро бо мавзеи Марсело эълом карда буданд.

Ҳарчанд ин ҷумла мухолифоне ҳам дошт, аммо норизоятии лобии саҳюнизм аз мувофиқони бисёр зиёди Марсело ва ҳамроҳии онон бо мавзеи зиддисаҳюнистиаш будааст, ки ба ҳамин иллат, бар масъулони Facebook фишор ворид гардид, то ин сафҳаро бибанданд.

Шиори лобии саҳюнистӣ, ки ҳатто дар сатҳи мудирони Facebook, Twitter, Yahoo ва бисёри дигар аз сойтҳои машҳури ҷаҳон нуфуз кардааст, дифоъ аз озодии баён аст, аммо то он ҷо ки ба режими нажодпарасти саҳюнистӣ интиқоде ворид нашавад.

Кимиёи саодат

Advertisements