Пирӯзии “Равшан” бар ССКА “Помир” дар Душанбе


17.11.2011

Дастаи “Равшан”-и Кӯлоб бар ССКА “Помир”-и Душанбе бо ҳисоби 2:0 пирӯз шуд.
Ин бозии даври 41-уми мусобиқоти қаҳрамонии футболи Тоҷикистон миёни дастаҳои лигаи олӣ бегоҳи 17-уми ноябр дар варзишгоҳи “Политехникум”-и шаҳри Душанбе поён ёфт.

Наврӯз Рустамов дар нимаи аввали бозӣ, дар дақиқаи 8-ум ҳисобро боз кард. Голи дуввумро Маъруф Рустамов, сармураббӣ ва бозигари “Равшан”, дар замони изофӣ (дақиқаи 92-юм) ба самар расонд.

Бояд гуфт, ки дар нимаи аввали дидор сардовар Рустам Холов (Душанбе) барои задухӯрди мутақобил ду бозигар – Хайриддин Турсуновро аз ССКА “Помир” ва Шамсиддин Қосимовро аз “Равшан” аз майдон хориҷ кард. Дар бозии дигари даври 41-ум дастаи “Вахш”-и Қӯрғонтеппа ба иллати аз мусобиқот даст кашидани рақибаш – “Хайр”-и Ваҳдат бо ҳисоби фаннии 3:0 ғолиб дониста шуд.

Дар ҳамин ҳол, дар ҷадвали мусобиқот “Равшан”-и Кӯлоб бо 83 имтиёз аз 36 бозӣ дар ҷои аввал аст. “Регар-ТадАЗ”-и Турсунзода бо 73 имтиёз аз 31 бозӣ дар ҷои дуввум мебошад. “Истиқлол”, ки ҳамагӣ 25 бозӣ кардааст, бо 67 имтиёз дар ҷадвали мусобиқот дар ҷои севум қарор дорад.
Дар сабқати нишонзанҳои беҳтарини мусобиқот Фозил Сатторов (“Равшан”) бо 20 гол дар ҷои аввал аст. Комил Саидов (ССКА “Помир”) ва Габриэл Донто (“Энергетик”) 19-голӣ, Юсуф Рабиев (“Истиқлол”) 17 гол, Пирмурод Бурҳонов (“Хайр”) ва Мансур Ҳакимов (“Парвоз”) 16-голӣ задаанд.

Рӯзи 18-уми ноябр дар варзишгоҳи “Авиатор”-и Душанбе бозии дастаҳои “Истиқлол” (Душанбе) – “Хуҷанд” (Хуҷанд) барпо мегардад.

Ду бозии охирини даври 41-уми мусобиқот рӯзи 19-уми ноябр миёни дастаҳои “Шодмон” (Ҳисор) – “Парвоз” (Бобоҷон Ғафуров) ва“Энергетик” (Душанбе) – “Гвардия” (Душанбе) доир хоҳад шуд. Бозиҳо соати 14 оғоз меёбанд.

Мавқеи дастаҳо дар ҷадвали мусобиқот:

Ҷой Дастаҳо Б Ғ М Б Т/Т И

1. “Равшан” 36 27 2 7 73-31 83

2. “Регар-ТадАЗ” 31 23 4 4 81-24 73

3. “Истиқлол” 25 22 1 2 67-13 67

4. “Хайр” 33 17 3 13 61-38 54

5. “Энергетик” 32 17 3 12 62-48 54

6. ССКА “Помир” 34 15 2 17 59-58 47

7. “Вахш” 34 14 3 17 39-41 45

8. “Хуҷанд” 34 12 5 17 45-62 41

9. “Парвоз” 34 9 4 21 38-64 31

10. “Шодмон” 36 7 2 27 39-98 23

11. “Гвардия” 35 3 3 29 32-118 9
Манбаъ http://www.ozodi.org

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s