Шикасти мунтахаби ҷавонони Тоҷикистон дар Эрон


Дастаи мунтахаби ҷавонони Тоҷикистон (U-19) аз тими лигаи дуюми футболи Эрон–“Самсунг” бо ҳисоби 1:2 шикаст хӯрд.

Ин бозии санҷишӣ буда, дар доираи омодагии мунтахаби ҷавонони Тоҷикистон ба мусобиқоти интихобии қаҳрамонии Осиё дар шаҳри Кирмон барпо гардид. Голи ягонаи дастаи ҷавонони Тоҷикистонро Шоҳрух Раҷабматов дар дақиқаи 80-ум ба ҳадаф расонд.

Салоҳиддин Ғафуров, сармураббии тими мунтахаби ҷавонони Тоҷикистон, ба ҷамъомади таълимиву тамринии даста ва ширкат дар мусобиқоти интихобии қаҳрамонии Осиё ба ҳайати даста 23 футболбозро шомил кардааст:

Ҳайати мунтахаби ҷавонон Тоҷикистон (U-19):

Дарвозабонҳо: Муродулло Саидов (“Энергетик”), Эмомалӣ Сониев (“Истиқлол”), Дилшод Дадобоев (“Пахтакор”-и ноҳияи Ҷаббор Расулов);

Ҳимоятгар: Самандари Хайриддин, Зокир Иброҳимов (ҳарду – “Истиқлол”), Фирдавс Чақалов, Анварҷон Хамроқулов (ҳарду – ССКА “Памир”), Далер Бердиқулов (“Регар-ТадАЗ”), Алишер Холмуродов (“Энергетик”);

Нимҳимоятгар: Амирбек Ҷурабоев (ДЮСШ ПФК ССКА, Москва), Парвиз Ҳамидов, Муҳсинҷон Парпиев (харду – “Хайр”), Вайсиддин Сафаров (“Истиклол”), Шорух Раҷаматов (“Парвоз”), Комрон Турсунов, Дилшод Саломов, Дилшод Расулов (ҳама – РТСУ), Ойбек Абдуғаффоров, Мармар Зокиров (ҳарду – “Энергетик”),

Ҳамлагар: Меҳроҷиддин Музаффаров (“Хайр”), Суннатулло Холов (“Вахш”), Ромиш Ҷалилов, Сиёвуш Муҳсинов (ҳарду – “Истиқлол”).

Мунтахаби ҷавонони Тоҷикистон (U-19), ки дар Мусобиқаи интихобии қаҳрамонии Осиё байни ҷавонон ба гуруҳи “D” шомил шудааст, рӯзи 8-уми октябри соли равон дар варзишгоҳи “Шаҳид Боҳунар” бо тими ҷавонони Эрон (мизбон) қувваозмоӣ намуда, рӯзи 10-уми октябр бо Арабистони Саудӣ ва рӯзи 12-уми октябр бо Лубнон мубориза мебарад. Мунтахаби ҷавонони Тоҷикистонро дар ин бозиҳо сармураббӣ Салоҳиддин Ғаффуров роҳбарӣ мекунад.

Ғолибони 9 гуруҳ ва 6 дастаи беҳтарини ҷойҳои дуюм ба сабқати ниҳоии мусобиқаи қаҳрамонии Осиё (U-19), ки моҳи октябри соли 2014 дар Мянмар доир мегардад, роҳхат мегиранд.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s