ФИФА: Русия дар қиболи миллатгароӣ аз таҳаммпулпазирӣ кор гирад


Навид

-Русия мизбони мусобиқоти Ҷоми ҷаҳон-2018 боқӣ мемонад, ҳарчанд зимни баргузории бозии футбол ҳисси миллатгароӣ миёни ҳаводорони футболи ин кишвар баръало эҳсос мешуд,-гуфтааст Президенти Федератсияи байналмилалии футбол (ФИФА) Зеп Блаттер.

Ба гуфти ӯ ҳанӯз масъулини ин ниҳоди варзишӣ барои қатъи мусобиқоти Ҷоми ҷаҳон-2018 дар Русия, ки ин кишвар  мизбонӣ мекунад, баромад накардаанд: «Маъмулан чорабиниҳои бузурги варзишӣ дар ҳоле таҳрим (байкот) эълон карда мешавад, ки он кишвар ба мушкилоте рӯ ба рӯ мешавад. Аммо, бояд ҳар як кишвар дар муносибат бо масъалаи миллатгароӣ аз сиёсати воқеъбинона ва аз таҳамулпазирӣ кор гирад».

Бояд гуфт, рӯзи чоршанбеи гузашта, дар мусобиқоти Лигаи қаҳрамонҳои Аврупо, дастаи «Манчестер Сити»-и Бритониё дар сафар бо тими «ССКА»-и Маскав вориди майдон шуд ва пас аз анҷоми сабқат ва пирӯзии дастаи меҳмонон мухлисони футболи рус бо хитоб ба бозигар Яя Туреи африқоӣ аз Кот-дивуар, ӯро таҳқир намуда, «маймун» номиданд.

Дар ин бора роҳбарияти гуруҳи муташаккили ФИФА оид ба мубориза алайҳи миллатгароӣ Ҷеффрӣ Уэбб тасмим гирифтааст бо футболбози «Манчестер Сити» Яя Туре мулоқот намояд. Инчунин, рӯзҳои наздик сафари ин масъули баландпояи ФИФА барои баррасии ин мавзуъ ба Маскав сурат мегирад.

Қарор аст, авҷи миллатгароӣ миёни ҳаводорони дастаҳои футболи Русия дар ҷаласаи пешорӯ аз ҷониби кумитаи иҷроияи ФИФА баррасӣ шавад.

Бояд гуфт, бори аввал нест, ки мухлисони дастаҳои Русия, бозигарони миллату нажодҳои дигарро ҳангоми баргузории мусобиқот таҳқиру дашном медиҳанд.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s