Беҳтарин дарвозабони Тоҷикистон дар соли 2005 дар ҳайъати «Регар» - Умед Ҳоҷимуродов ба ҷустуҷуи кор ба Русия рафт.
Умед то «россиянин» шуданаш дарвозабони дубли «Хуҷанд» буд ва ҳамин ахиран ӯро аз даста пеш карданд.
Ураз Туракулов, сармураббии «Хучанд» ба хабаргузории «ВС» гуфтааст, намедонад ки Умед Ҷоҳимуродов феълан дар куҷост ва собиқ дарвозабон барои шикастани интизоми варзишӣ аз даста хориҷ карда шудааст. Дар бозии дубли «Хуҷанд» бо CSKA Умед бо тӯб довари бозиро задааст ва Кумитаи интизомии Тоҷикистон ӯро аз ширкат дар 4 бозӣ маҳрум ва ба 200 сомонӣ ҷарима бастааст. Пас аз ин ҳодиса «Хуҷанд» дарвозабони худро аз кор ҷавоб додааст.
Ба ҳамин гуна, Умед Ҳоҷимуродов бидуни он ки барои «Хуҷанд» ягон бозии расмӣ гузаронад, ба Русия рафтааст. Ба ҷои ӯ аз «Эсхата» Абдусалом Умаров даъват шудааст.
Ёдовар мешавам, ин нахустин бозигари тоҷик нест, ки ба Русия барои мардикорӣ меравад.
Filed under: Khujand, Umed Hojimurodov | Tagged: Khujand, Umed Hojimurodov | No Comments »
