Мунтахаби шонздаҳсолаҳои Тоҷикистон дар нахустин бозии нитихобии худ дар Ҷоми Осиё дар Кувайт бо Ҳиндустон 1:1 мусовӣ кард.

Ҳисоби ин бозиро дар қисми аввал дар дақиқаи 36-уми Кароматулло Саидов, нимҳимоятгар аз “Вахш”, боз кард.

Вале дар дақиқаи 57-ум довар ба дарвозаи Тоҷикистон зарбаи 11-метра таъин кард. Зарбаро бозигари ҳинду Просенҷит Чакрабортӣ ба ҳадаф расонид.

Боқӣ ҳама талошҳои бозигарони тоҷикро дарвозабони ҳинду ноком кард. Дарвозабони ҳинду баъдан бозигари беҳтарини бозӣ шинохта шуд.

Дар бозии дигари ин гурӯҳ имшаб Бутан бо Лубнон бозӣ хоҳанд кард.

Наврасони Тоҷикистон боз бо Бутан (23-юми сентябр), Кувайт (27-уми сентябр) ва Лубнон (29-уми сентябр) рақобат мекунанд.

Аксҳо ва видео аз торнамои расмии ФФТ

Advertisements